Խաղաղութեան Օրհներգ

Եկէ՛ք, մենք մեծ մանուկներուն,
Հիւսենք ծաղիկներով
Աղաւնի մը սիրուն
Ու փայլուն աստղեր
Ըլլան անոր հզօր թեւեր
Եւ տիրեն խաղաղ օրեր։

Ե՛կ ձեռք-ձեռքի միասին
Ղրկենք աշխարհին
Խաղաղութեան աղաւնին
Թող վերջ տայ չարին։

Օրհներգը խաղաղութեան
Երազն է մանկութեան
Թող հնչեն զանգակները
Համերաշխութեան։

Եկէ՛ք, մենք մեծ մանուկներուն
Հիւսենք ծաղիկներով
Խաղալիք մը սիրուն
Ու անոնք գիտնան
Տեսնեն, որ մերն է ապագան
Սիրոյ խաղաղ մեծ օրրան։

Ե՛կ ձեռք-ձեռքի միասին
Ղրկենք աշխարհին
Խաղաղութեան աղաւնին
Թող վերջ տայ չարին։

Օրհներգը խաղաղութեան
Երազն է մանկութեան
Թող հնչեն զանգակները Համերաշխութեան:
Համերաշխութեան:

Եւ խաղաղութեան։

Խօսք եւ երաժշտութիւն՝ Պօղոս Եղիազար